馬凱被拒入境事件曾俊華諷刺政府小器!覺得佢入嚟咪旅遊 做得啲乜嘢啫?

 2019-01-23     港聞

財政司前司長曾俊華早前接受立法會前議員黃毓民網上電台節目訪問時,罕有開腔評論香港政治事件。被問到對香港外國記者會(FCC)前第一副主席、英國《金融時報》亞洲新聞編輯馬凱(Victor Mallet)去年11日以遊客身份入境香港被拒一事時,曾俊華直指:「馬凱單嘢我覺得唔應該發生囉,係唔應該發生」,形容特區政府的做法「係小器一啲囉!」曾俊華強調看不到政府讓馬凱入境,會對香港造成任何影響,「佢(馬凱)入嚟咪旅遊,做得啲乜嘢啫?」

政府近日再次派錢但引發大混亂,任內曾在立法會施壓下被迫轉軚全民派錢的曾俊華直指,「派錢」不是長遠政策,做法不可能持久;問及對於澳門政府近年經常派錢,曾形容澳門派錢差不多成為常規,「因為佢哋有賭場,佢哋剩係靠賭場,收入已多過支出」。

至於中美貿易戰下,會否擔心香港的獨立關稅區地位動搖?曾俊華稱「相信不會發生」,指美國的議員「好多係兇(人)嘅」,指美方相關言論,至今都只是在美國議會發表、而非出自美國政府,「因為好多美國公司喺香港,利益好大,佢哋可以計到條數」。

談及2019年有何願望時,曾俊華稱近年不同民調都指出巿民對政府、企業和媒體的信任度跌至新低,他認為「巿民就非牟利組織同社企,有好多空間可以做到嘢」,認為政府應該加強與巿民溝通,「聽多啲佢哋講嘅說話」,他指政府推動政策的過程較結果更重要,「(政府)唔好話我最叻,我諗到嗰啲嘢,就一定係最正,做咗出嚟就一定大家開心」。