香港醫療體制淪陷之際 前線醫護斥看不到有改善的空間!

 2019-01-26     港聞

繼號召明星拍片為醫護人員打氣後,醫管局被指又一「離地」呈獻 - 在屯門醫院舉辦「小食打氣日」,由高層送上燒賣魚蛋為同僚打氣「呃Like」,有該院醫生怒轟高層思維「離地」,「我做嘢做到連正餐都無得食,你叫我食魚蛋燒賣,你係唔係整蠱我呀?」

於屯門醫院內科任職的黃任匡醫生表示,兩周前醫管局向醫護人員發電郵稱會舉辦「小食打氣日」,更指為響應環保,要求同事自備餐具,「我係咪帶埋刀叉去巡房?巡完房唔食飯去食魚蛋燒賣?」他指不少同事都感到醫管局及食衞局官員「離地到匪夷所思」,「究竟諗呢啲嘢出嚟嘅人幾耐無上過病房,先會諗得出呢啲嘢?」更令同事氣忿是當局寧將金錢花在這些地方,而非做實事改善公營醫療問題,「當我做到死、尿唔得閒屙、飯唔得閒食,我實會因為睇咗譚詠麟條片而會開心咗啦!」

黃指,醫護人員在流感高峯期工作非常繁忙,他自己本周已無假放,更有同事捱至病倒。他指往年一個病房只收50多名病人,若有一個同事願意加班仍勉強可以應付,但今年增至每房接收60多名病人,周日可能只得一名醫生巡房,若沒有同事「捱義氣」銷假上班,根本無可能維持現時的病房運作。

他透露不少醫生在下午的申訴大會上提出人口政策問題,「只會預計到每日150個人(單程證)落嚟,情況只會越嚟越嚴重,對醫療服務需求只會越嚟越大,依家爆滿嘅情況只會越趨嚴重,睇唔到改善嘅空間」。他指問題並不單單出現在急症室,舉例稱每名醫生每天早上巡房要看約20名病人,因病人太多,有時要推遲到門診應症時間,變相延長門診等候時間,甚至原本預約下午5點應診的病人,要呆等到晚上8時才能見到醫生。

當病房爆滿時,醫院會發出警號提醒醫護人員今日情況嚴峻,要盡快讓可出院的病人出院,「以前呢個係非常時期會響嘅警號,依家日日響,變左響alarm(警號)響到大家無感覺。好似敍利亞有空襲就響警報,如果日日響啲人都唔驚。」黃希望,把持資源的人要想出長遠辦法,而非年年都叫同事「捱義氣、賣血」。