去年被捕警察人數上升 警務處長表示 點會做做下警察做咗賊呢?

 2019-02-03     港聞

警務處日前公佈 2018 年本港治安情況,去年共有 45 名現職警員因為干犯不同案件而被捕,較之前一年大幅上升 55%,警務處處長盧偉聰近日出席電台節目時,重申不會容忍警員的違法行為,一定會「剷除佢哋」。又提出會舉辦徵文、海報設計及拍短片比賽,喚起同事的「忠誠、使命及榮譽感」。

盧偉聰又嘆道:「我哋係警察,點會做做下做咗賊呢?我好唔滿意。」又表示覺得很傷心,因為香港罪惡率那麽好,但 99.8% 同事的努力,因為那 0.15% 的違法同事而被抺黑。

盧偉聰日前指警員違法的個案件各有很多不同成因,「可能有啲係個人理由啦,包括貪心、一啲不恰當既性慾望啊、又或者係佢朋輩嘅影響。」他指,警隊去年中提出的「不恰當行為介入指引」,呼籲同袍間互相提點,「例如佢(同袍)平時鍾意開快車,咁你要提醒佢嘞。如佢平時鍾意飲吓酒喎,咁你要提醒佢飲咗酒唔好揸車」。

盧偉聰自己將於今年底退休,他表示暫時未想到退休後做甚麼工作,會先放假看看自己是否適應,但沒有想過加入私營機構。